: සන්ඩේ ලීඩර් කතෘ,ජ්යෙෂ්ඨ මධ්යවේදී ලසන්ත වික්රමතුංග ඝාතනයට අදට 17 ක් වසරක් සැපිරෙයි.
රජයේ දූෂණ, අක්රමිකතා සහ මානව හිමිකම් උල්ලංඝනය කිරීම් පිළිබඳව නිර්භයව කරුණු හෙළිදරව් කළ කැපී පෙනුණු කාර්යයක නිරතව සිටි ලසන්ත වික්රමතුංග මහතා දේශපාලාන ලෝකය කැළඹු මාධ්යවේදියෙක් ලෙස ප්රචලිතය. ඔහු “භීෂණයට එරෙහිව පෑන මෙහෙයවූ” මාධ්යවේදියකු ලෙස ජාත්යන්තරයේ පවා ගෞරවයට පාත්ර විය.
2009 ජනවාරි 8 වන අත්තිඩිය ප්රදේශයේදී යතුරුපැදිවලින් පැමිණි සන්නද්ධ කණ්ඩායමක් විසින් පහර දී ඔහුව ඝාතනය කරන ලදී.
එදා පටන් අද දක්වාම ලසන්ත ඝාතන සිද්ධිය වෙනුවෙන් යුක්තිය අපේක්ෂාවෙන් පසුවෙයි.
රාජපක්ෂ පාලන සමයේදී සිදුවූ එම ඝාතනය මාධ්ය නිදහසට එල්ල වූ මාරාන්තික පහරක් වූ නමුත් එම ඝාතනය ඇතුළු මාධ්යවේදී ඝාතනවලට එරෙහිව කතා කළ යහපාලන ආණ්ඩුවෙන්ද ඊට යුක්තිය ඉටු නොවුණි.
ලසන්ත වික්රමතුංග පමණක් නොව ඝාතනයට ලක්වූ මාධ්යවේදී ලැයිස්තුව 44 ලෙස පවතින අතර අද දිනයේදී මෙකී සියලුම මාධ්යවේදීන් සිහිකරමින් ඔවුන් සියලු දෙනා වෙනුවෙන් යුක්තිය අපේක්ෂා කිරීමද සුවිශේෂී විය.
මෙම මාධ්යවේදී ඝාතන සම්බන්ධයෙන් යුක්තිය ඉටුවිය යුතු බවට විපක්ෂයේ සිටියදී විශාල හඬක් නැගූ දේශපාලන ප්රවාහය අද බලයේ සිටින අතර එදා අහිමි වූ යුක්තිය මේ මොහොතේ හෝ ඉටුවෙතැයි යන බලාපොරොත්තුව සමාජයේ සාතිශය බහුතරයකට පවතියි.
ඒ අනුව අද මෙම සැමරුමට එක්ව සිටි ලසන්ත වික්රමතුංග මහතාගේ පවුලේ ඥාතීන් ඇතුළු පිරිස පැවසුවේද වසර ගණනාවක් පුරා සොයමින් සිටින යුක්තිය වත්මන් ආණ්ඩුවෙන් බලාපොරොත්තු වන බවයි.
මෙම අවස්ථාවට වික්රමතුංග මහතාගේ පවුලේ සාමාජිකයින්, මාධ්යවේදීන්, සිවිල් ක්රියාකාරිකයින්දේ, ශපාලකයින් ඇතුළු පිරිස් එක්ව සිටියහ.
ජායාරූප – අජිත් සෙනෙවිරත්න
