කටුනායක් කේන්ද්රකර ගනිමින් ක්රියාත්මක ටුක් ටුක් ත්රිවිල් වැඩසටහන මේ වන විට අතිශය ජනප්රිය ව්යාපාරයකි.
මේ වන විට විශාල විදේශිකයන් පිරිසක් ස්වංන රියදුරු පදනමෙන් ටුක් ටුක් රැගෙන රට පුරාම සවාරි යති.
මේ අතර පොලිස් මාධ්ය ප්රකාශක සහකාර පොලිස් අධිකාරී එෆ්. යූ. වූට්ලර් පවසන්නේ, විදේශීය ජාතිකයන් ජාත්යන්තර රියදුරු බලපත්රයක් හෝ තම මව් රටෙන් දේශීය රියදුරු බලපත්රයක් තිබිය යුතු අතර ශ්රී ලංකාවේ මෝටර් රථ ප්රවාහන දෙපාර්තමේන්තුවෙන් සහතිකයක් හෝ බලපත්රයක් ලබා ගත යුතු බවය.
වර්ධනය වන ප්රවණතාවක් ඉස්මතු කරමින් ඔහු පැවසුවේ සංචාරකයින් රට තුළ ත්රිරෝද රථ පැදවීම නීති විරෝධී බවයි.
“සංචාරකයින් ත්රිරෝද රථ භාවිතා කරන ආකාරය අපි දැක තිබෙනවා, එය සම්පූර්ණයෙන්ම නීති විරෝධීයි. මෙම ත්රිරෝද රථ හිමිකරුවන්ට එරෙහිව අපි නීතිමය පියවර ගෙන තිබෙනවා,” ඔහු තවදුරටත් අවධාරණය කර තිබුණි.
මේ ගැටළුව අරභයා infosrilanka.lkවෙබ් අඩවිය දිර්ඝ විස්තරයක් පළකර ඇත.
ශ්රී ලංකාවේ සංචාරක කර්මාන්තය නව මාවතක් ඔස්සේ ප්රවර්ධනය කරමින් සිටි ‘ටුක් ටුක් ස්වයං රියැදුරු ධාවන සංචාරක ප්රවණතාවය’ අද වන විට බිඳ වැටීමේ තර්ජනයකට මුහුණ දී ඇතැයි වාර්තා වේ.
ඒ අනුව නිත්යානුකූලව බලපත්ර ලබා ගත් සංචාරකයින් පවා ඉලක්ක කර ගනිමින් ඔවුන්ගේ ත්රී රෝද රථ පරික්ෂා කිරීමට සහ අත්අඩංගුවට ගැනීමේ හදිසි මෙහෙයුමක් දියත් කිරීමට සූදානම් වන බව වැඩිදුරටත් වාර්තා වේ.
මෙම තීරණයට හේතුව වී ඇත්තේ, වත්මන් ආණ්ඩුව යටතේ ක්රියාත්මක වන මෝටර් රථ ප්රවාහන දෙපාර්තමේන්තුව (DMT) විසින් විදේශිකයින්ට ත්රී රෝද රථ සඳහා බලපත්ර නිකුත් කිරීම තාවකාලිකව අත්හිටුවීමට ගත් තීරණයයි.
පසුගිය වසර කිහිපය තුළ, ත්රී රෝද රථයක් කුලියට ගෙන දිවයින පුරා සංචාරය කිරීම විදේශීය සංචාරකයින් අතර අතිශය ජනප්රිය වී තිබේ. මෙම ප්රවණතාවය යුරෝපය, උතුරු ඇමරිකාව සහ ඕස්ට්රේලියාව වැනි ඉහළ ආදායම් ලබන රටවල සංචාරකයින් ආකර්ෂණය කරමින්, කුඩා, දේශීය ත්රී රෝද රථ හිමිකරුවන්ට සහ කුලී ආයතනවලට සෘජු ආදායම් මාර්ගයක් විවෘත කළේය.
එහෙත්, NPP රජය විසින් පොරොන්දු වූ ආයතනික වෙනස්කම් සිදු නොවීම හේතුවෙන්, මෙම කර්මාන්තය නියාමනය කිරීම සඳහා සරල, විනිවිදභාවයෙන් යුත් රාමුවක් සකස් කිරීමට අසමත් වී ඇත. සංචාරක පොලිසිය පවා වසර ගණනාවකට පෙර ත්රී රෝද රථ මෙහෙයුම් නියාමනය කිරීමේ යෝජනා ඉදිරිපත් කළද, රජය ඒවා ක්රියාවට නංවා නැත. එහි ප්රතිඵලයක් ලෙස, බලපත්ර නොමැතිව වාහන කුලියට දෙන අවදානම් සහිත ආයතන වර්ධනය වී ඇති අතර, එය මාර්ග අනතුරු සහ සංචාරක අපහසුතාවලට හේතු වී ඇත.
මෙම ගැටලුවට විසඳුමක් ලෙස, රජය තෝරාගෙන ඇත්තේ, දේශීය ආර්ථිකයට සහ කුඩා ව්යවසායකයින්ට සෘජුවම පහර දෙන විනාශකාරී ප්රතිපත්තියකි. බලපත්ර අත්හිටුවීම සහ හදිසි පොලිස් මෙහෙයුම් තුළින් සංචාරකයින් අත්අඩංගුවට ගැනීම, ශ්රී ලංකාවේ ජාත්යන්තර ප්රතිරූපයට බරපතළ හානි සිදුකරනු ඇත. සංචාරකයන් නීත්යානුකූල බලපත්ර ලබාගෙන ඇතත්, පොලිස් පීඩනයට ලක්වීම තුළින් ඇතිවන අමිහිරි අත්දැකීම්, විදේශීය මාධ්ය ඔස්සේ රටට එරෙහිව ප්රබල ලෙස ප්රචාරය වනු නොඅනුමානය
මුලාශ්රය – infosrilanka.lk
