( 8.30 am) ශ්රී ලාංකේය ගුවන් සේවා ක්ෂේත්රයට නව සලකුණක් එක් කරමින්, උතුරු පළාතෙන් බිහිවූ එමානුවෙල් එවැන්ජලින් (Emanuel Evangeline) ගුවන් නියමුවරියක් ලෙස සිය වෘත්තීය ගමන ආරම්භ කර තිබේ.
කුඩා කල සිටම ගුවන් නියමුවරියක් වීමේ සිහිනයක් දරා සිටි ඇය, දැඩි කැපවීම සහ පුහුණුව තුළින් එම සිහිනය සැබෑ කරගෙන ඇත.
ශ්රී ලංකාව තුළදීම ගුවන් නියමු පුහුණුව සම්පූර්ණ කර, ශ්රී ලාංකේය ගුවන් සේවා ක්ෂේත්රයට එක්වීම ඇයගේ ජයග්රහණයේ විශේෂත්වයකි.
ඇයගේ මෙම ජයග්රහණය උතුරු පළාතේ තරුණ තරුණියන්ට පමණක් නොව, ගුවන් සේවා ක්ෂේත්රයට පිවිසීමට අපේක්ෂා කරන සමස්ත ශ්රී ලාංකේය තරුණ පරපුරටම ආදර්ශයක් වනු ඇත.
විශේෂයෙන්ම කාන්තාවන් සඳහා අභියෝගාත්මක ක්ෂේත්රයක් ලෙස සැලකෙන ගුවන් නියමු වෘත්තියට පිවිසීම තුළින් එවැන්ජලින් පෙන්වා දෙන්නේ, අධිෂ්ඨානය සහ කැපවීම ඇති විට සිහින යථාර්ථයක් බවට පත් කළ හැකි බවයි.
ඇයගේ මෙම ජයග්රහණය ශ්රී ලංකාවට මෙන්ම උතුරු පළාතටද අභිමානයක් එක් කරන සුවිශේෂී අවස්ථාවක් ලෙස සැලකිය හැකිය.
අහස ජයගත් එමානුවෙල් එවැන්ජලින්ගේ ඉදිරි ගුවන් ගමනට අපගේ උණුසුම් සුබ පැතුම්!
