මිනිසෙකි මිනිස්කම හඳුනන ගුණ යහපත්
ඇසුරට කළණ මිතුරෙකි ළඟ සිටි කවදත්
දිවි මඟ ගෙවා නිම කළ යුරු හරි වැදගත්
දැන් ඒ සොඳුරු මිනිසා නිහඩය සමුගත්
නිල තල පදවි පුරපතිකම් ලද නමුදු
ඔබ ගිය ගමන් මඟ සරළය විය සුමුදු
ඉන් පළ කළේ පරිණත බව කළ පුබුදු
නැණ ගුණ පහන් කළ සඳ කිරණකි සුසුදු
දෙස්පාලනය කළයුතු හරි මඟ පෙන්වා
ආගම දහම තුළ දිවියම බල ගන්වා
හදවත සතුට – සැනසුම – සෙනෙහස ගෙන්වා
එමගින් සැමට සිටියා අරුතක් දන්වා
ඔබ දැන් සදා සමුගෙන අප අතැර ගොසින්
දුක කියැවුනා උණු කදුලැලි සිරුණු ඇසින්
මැතිඳුනි සුවඳ දී ලස්සන මලක් ලෙසින්
පිබිදේ යළිත් දෙව්මව් පා සෙවණෙ තොසින්
ඔබට ජේසු පිහිටයි !
මේ සුසුම් පෙළ, මීගමුවේ රාළ
