රජයේ වෛද්‍ය සංගමය විසින් අද පවත්වන්නට තීරණය කර ඇති වැඩ වර්ජනය මේ දිනවල පවතින ඩෙංගු වසංගත තත්ත්වය නිසා පීඩා විදින රෝගීන්ට කෙසේ බලපායි යන කරුණ ගැන ජනතාව විමතිය පළකරති.
අද මීගමුව රෝහලේ සේවාවන් සිදුවන්නේ කෙසේද යන්න පිළිබදව මීගමුව මුලික රෝහලේ වෛද්‍ය අධිකාරිවරයගෙන් මේ සම්බන්ධයෙන් විමසීමක් කළ අතර ඇය ප්‍රකාශ කළේ වැඩ වර්ජනය නිල වශයෙන් ක්‍රියාත්මක වන අතර වෛද්‍යවරු සේවයට වාර්තා කර ඇති නමුත් රාජකාරි වලින් ඉවත්ව සිටින බවයි.
එමෙන්ම අද වැඩවර්ජනය හේතුවෙන් බාහිර රෝගී අංශයේ සහ සායන වල සේවාවන් ක්‍රියාත්මක නොවන අතර බාහිර රෝගී අංශය ක්‍රියාත්මක නොවන නමුත් ඩෙංගු උණ හෝ උණ වැළදී ප්‍රතිකාර ගැනීමට පැමිණෙන රෝගීන්ට ප්‍රතිකාර ලබාදෙන අතර ඔවුන්ව රෝහලත ඇතුළත් කර ගන්නා බවද ඇය සදහන් කළාය.
වෛද්‍යවරුන් රෝහල් වාට්ටු වල සිටින රෝගීන්ට ප්‍රතිකාර කරනු ලබයි. ඒ අතර හදිසි අනතුරු හේතුවෙන් සිදුකළ යුතු ශනල්‍යකර්ම සිදුකරන අතර වෙනත් ශල්‍යකර්ම දින දී කල්තබා තිඛේ. වෛද්‍ය වැඩවර්ජනය සංකේතාත්මකව සිදුවන අතර සියලූම වෛද්‍යවරු සේවයට පැමිණ සිටින බව රෝහල් අධිකාරීවරිය පවසා සිටියාය.
අද වෛද්‍ය වැඩවර්ජන මීගමුව රෝහලට එන ඩෙංගු රෝගීන්ට බලපායිද?
- Advertisement -
