මෑතකදී ශ්රී ලංකාවට බලපෑ දිට්වා සුළි කුණාටුව පුත්තලම දිස්ත්රික්කයේ පමණක් ඉස්සන් ගොවිපල 600 කට වැඩි ප්රමාණයක් විනාශ කර ඇති අතර එමඟින් ගොවීන් බොහෝ දෙනෙකුගේ ජීවනෝපායන් ඇණහිට ඇති බව ධීවර අමාත්යාංශය පවසයි.
ධීවර අමාත්ය රාමලිංගම් චන්ද්රසේකර් සති අන්තයේ දිස්ත්රික්කයේ නිරත වූ කරුණු සෙවීමේ මෙහෙයුමකදී මෙය අනාවරණය වූ බව අමාත්යාංශය පවසයි.
දිස්ත්රික්කයේ ඉස්සන් ගොවීන්ට ඔවුන්ගේ ජීවනෝපායන් නැවත ගොඩනඟා ගැනීමට රජය සහාය වන බවට අමාත්යවරයා සහතික විය.
“මෑත කාලීන ව්යසනයෙන් පීඩාවට පත් වූ කිසිවෙකු අපි නොසලකා හරින්නේ නැහැ,” ඔහු පැවසීය.
එසේම, මුහුදු ඛාදනය ඉස්සන් වගාවට ද බලපා ඇති බව අනාවරණය විය. මුහුදු ඛාදනය වැළැක්වීම සඳහා පුත්තලම වෙරළ තීරයේ තාප්පයක් ඉදිකිරීමේ හැකියාව රජය ගවේෂණය කරමින් සිටින බව අමාත්යවරයා සහතික විය.
මේ අතර මෙසේ විනාශ වු ඉස්සන් ගොවිපලවල් සිටි ලොකු ඉස්සන් මේ දිනවල මුහුදු යන ධිවරයන්ගේ දැල්වලට අසුවෙන්නට පටන් ගෙනය.මිළද සැලකිය යුතුලෙසින් පහල ගොසිනි.
මුලාශ්රය- ඩේලි මිරර්
