මහ බැංකු බැඳුම්කර වංචාවට අදාළ නඩු කටයුතු සදහා හිටපු මහබැංකු අධිපති අර්ජුන් මහේන්ද්‍රන් මහතා මෙරටට ගෙන්වා ගැනීම සඳහා සිංගප්පූරු රජය වෙත යොමු කළ යුතු ලිපිලේඛනවලට ජනාධිපති මෛත්‍රීපාල සිරිසේන මැතිතුමා අද (06) අත්සන් තැබී ය.
මෙම සියලු ලිපි ලේඛණ ජනාධිපති කාර්යාලයේදී ජනාධිපතිතුමාගේ පරික්ෂාවට ලක් වූ අතර අනතුරු ව ආරක්ෂක අමාත්‍යවරයා ලෙස ජනාධිපතිතුමා විසින් එම ලිපි ලේඛන සහතික කරනු ලැබීය. මෙම ලේඛන විදේශ කටයුතු අමාත්‍යාංශය හරහා සිංගප්පූරු රජයේ බලධාරින් වෙත යොමු කිරීමට කටයුතු කරනු ඇත.
