සල්ලි පොකුරු මිටි බැදගෙන
රන් දම්වැල් කර ලා ගෙන
රත්තරනින් රනින් තැනුන
සුරන්ගනා ලොවක නෙමෙයි ජීවත් වෙන්නේ….
අපි විදිනා දහ දුක් ගැන ලොවට නොපෙන්වා හිටියට
සුදු හම ඇති නෝනලාගෙ කුනු අතගා පිරිසිදු කර
යුරෝ එකක් අමාරුවෙන් ඉල්ලා ගන්නේ
රෝද හතර කැරකුනාට
පිරිසිදු ඇදුමක් ඇන්දට
මෙහෙ විදිනා දහදුක් ගැන
අපි නොවැ දන්නේ
අයිස් ගොඩේ අපි හිටගෙන
ෆොටෝ එකක් අරගත්තට
සැප කියන්නෙ ඒක නොවෙයි
කොහොමද පැහැදිලි කරවන්නේ
– ඩිලා
( මිලානෝ )
