කටුවාපිටියේ “ආරෝග්‍යා” ප්‍රාථමික වෛද්‍ය හා සුවතා මධ්‍යස්ථානය විවෘත කෙරේ

0
61

​කටාන ප්‍රාදේශීය ලේකම් කොට්ඨාසයට අයත් කටුවාපිටිය කොට්ඨාසයේ “ආරෝග්‍යා” ප්‍රාථමික වෛද්‍ය මධ්‍යස්ථානය විවෘත කිරීමේ සමාරම්භක අවස්ථාව පසුගියදා පැවැත්විණි.

​“පොහොසත් රටක් – ලස්සන ජීවිතයක්” ප්‍රතිපත්ති ප්‍රකාශනය යටතේ ක්‍රියාත්මක මෙම සුවතා මධ්‍යස්ථානය ස්ථාපිත කිරීමේ ප්‍රධාන අරමුණ වන්නේ කටුවාපිටිය ප්‍රදේශවාසී ජනතාවගේ සෞඛ්‍ය සුබසිද්ධිය සැලසීම මෙන්ම, පාස්කු ඉරුදින ත්‍රස්ත ප්‍රහාරය හේතුවෙන් ශාරීරික හා මානසික බලපෑම්වලට හා විවිධ පීඩාවන්ට ලක්ව සිටින ජනතාවට අවශ්‍ය ප්‍රාථමික සෞඛ්‍ය හා මානසික සුවතා සේවාවන් වඩාත් සමීපව ලබා දීමයි.

​සහභාගී වූ පිරිස

​මෙම සමාරම්භක අවස්ථාව සඳහා පහත පිරිස් එක්ව සිටියහ:

  • ​ගරුතර පූජ්‍ය පක්ෂය
  • ​විද්‍යා හා තාක්ෂණ අමාත්‍ය වෛද්‍ය ක්‍රිෂාන්ත අබේසේන මහතා
  • ​ගම්පහ දිස්ත්‍රික් සෞඛ්‍ය සේවා අධ්‍යක්ෂකවරිය ඇතුළු කටාන මහජන සෞඛ්‍ය වෛද්‍ය නිලධාරී (MOH) කාර්යාලයේ නිලධාරීන්
  • ​කටාන ප්‍රාදේශීය සභා සභික දාවිත් චන්ද්‍රපාල මහතා
  • ​ප්‍රදේශවාසී ජනතාව

​මෙම නව සුවතා මධ්‍යස්ථානය මඟින් කටුවාපිටිය හා අවට ප්‍රදේශවල ජනතාවගේ දෛනික සෞඛ්‍ය අවශ්‍යතා සපුරාලීමටත්, දිගුකාලීන ශාරීරික හා මානසික සුවතාව තහවුරු කිරීමටත් විශාල පිටිවහලක් වනු ඇතැයි අපේක්ෂා කෙරේ.

​

LEAVE A REPLY

Please enter your comment!
Please enter your name here