ශ්‍රී ලංකා සෞඛ්‍ය අමාත්‍යාංශයේ ජාතික පිළිකා පාලන වැඩසටහන (NCCP) විසින් ඔක්තෝබර් මස “පියයුරු පිළිකා වැලැක්වීමේ මාසය” වෙනුවෙන් සවිස්තරාත්මක ජනතා දැනුවත් කිරීමේ ව්‍යාපාරයක් දියත් කර ඇති අතර, කල්තියා හඳුනා ගැනීමෙන් ජීවිත බේරා ගත හැකි බව අවධාරණය කරයි.
”සෞඛ්‍ය සම්පන්න කාන්තාව – ශක්තිමත් පවුලක් – දීප්තිමත් ශ්‍රී ලංකාවක්” යන තේමාව යටතේ ක්‍රියාත්මක වන මෙම ජාතික වැඩසටහන මගින්, ප්‍රධාන රෝග ලක්ෂණ, අවදානම් අවම කරගැනීමේ ක්‍රමවේද සහ දිවයින පුරා රජයේ සෞඛ්‍ය ආයතන වලින් ලබාගත හැකි විශේෂිත සේවාවන් පිළිබඳව කාන්තාවන් දැනුවත් කිරීම අරමුණු කරයි.
මේ අනුව යමින් මිගමු රෝහලේදිද පියයුරු පිළිකා වැලැක්වීම පිලිබදව දැනුවත් කිරිමේ වැඩසටහනක් සංවිධානය කර තිබුණි.
දැනුවත් කිරිමේ වැඩසටහන අතර විශේෂ සිදුවිමක්..
වෙනත් අවශ්‍යතාවක් සඳහා රෝහලේ බාහිර රෝගී අංශයට (OPD) පැමිණ සිටි පියයුරු පිළිකාවෙන් සුවය ලැබූ කාන්තාවක්, රෝගීන්ට සහ එහි පැමිණ සිටි පිරිසට ධෛර්යය සහ සැනසීම ලබාදීම සඳහා ස්වකැමැත්තෙන්ම ඉදිරිපත් වීම විශේෂ සිදුවීමක් විය.
රෝහලේ කාර්යබහුල රැඳී සිටින කුටියේ (Waiting area) වෛද්‍ය පරීක්ෂණ සහ ප්‍රතිකාර අපේක්ෂාවෙන් සිටින රෝගීන් දැඩි කනස්සල්ලකින් පසුවනු දුටු ඇය, තම පෞද්ගලික අත්දැකීම් ඔවුන් සමඟ බෙදා ගැනීමට තීරණය කළාය.
අවිනිශ්චිතභාවය ධෛර්යයක් බවට පත්කිරීම
රැඳී සිටි රෝගීන් වෙත ගිය ඇය, තමාට රෝගය වැළඳුණු අවධියේ මුහුණ දුන් අභියෝග, ප්‍රතිකාර ලැබූ ආකාරය සහ අවසානයේ රෝගය සම්පූර්ණයෙන්ම පරාජය කළ අයුරු විවෘතව සාකච්ඡා කළාය.
රෝගයක් මුල් අවධියේදීම හඳුනා ගැනීමෙන් එය සම්පූර්ණයෙන්ම සුව කර ගැනීමට ඇති හැකියාව ඇය අවධාරණය කළාය.
එම රෝගී තත්ත්වයම ජයගත් අයෙකුගෙන් ලැබුණු මෙම අනුබලය, බිය සහ අනාරක්ෂිත හැඟීම් දුරු කර ගැනීමට රෝගීන්ට මහත් අස්වැසිල්ලක් විය.
රෝහල් පරිසරයක මානව දයාවේ අපූර්වත්වය
සාමාන්‍යයෙන් බාහිර රෝගී අංශයක සිදුවන්නේ වෛද්‍ය ප්‍රතිකාර ලබාදීම පමණක් වුවද, රෝගීන් අතර ඇතිවන මෙවැනි මානසික සහයෝගයන් සුවය ලැබීමට විශාල බලපෑමක් කරන බව රෝහල් කාර්ය මණ්ඩලය පෙන්වා දෙයි. සායනික උපදෙස් වලට වඩා සැබෑ අත්දැකීම් ඇති අයෙකුගේ වදන් රෝගීන්ගේ බිය දුරු කිරීමට සමත් වූ අයුරු ඔවුන් අගය කළහ.
මෙම කෙටි නමුත් අර්ථවත් හමුවීම රැඳී සිටි පිරිසට මහත් බලාපොරොත්තුවක් ගෙන දුන් අතර, සාමාන්‍ය රෝහල් චාරිකාවක් අමතක නොවන මානුෂීය අත්දැකීමක් බවට පත් කළේය.
ඔක්තෝබර් මස 30 වනදා දක්වා සතියේ දින පෙ.ව 8.00_12.00 දක්වා මේ වැඩසටහන සිදු වන බව
වෙෙද්‍ය අධිකාරි තුමිය පුෂ්පා ගම්ලත් මහත්මිය පැවසුවාය.
මීගමුව මහ රෝහලේ සුව දිවි සායනය හා සෞඛ්‍ය අධ්‍යාපන ඒකකය එක්ව මෙය සංවිධානය කර තිබුණි.
ඕනෑම අයෙකුට පැමිණ මෙම කාලය තුල පරීක්ෂා කර ගැනීමට හැකියාව ඇත
