යුක්ති සහගත සාමය ඇතිකිරීම සඳහා තරුණ ක්‍රියාදරයින් පුහුණු කිරීම උදෙසා පමුණුගම තරුණ ක්‍රිස්තියානි සංගමය විසින් සංවිධානය කරනු ලබන ජාතික වැඩමුළුවක් මේ වන විට නයිනමඩම චිංතන මධ්‍යස්ථානයේ දී පැවැත්වේ. වැඩමුළුව 2017 අප්‍රියල් 21 සිකුරාදා දින ආරම්භ වූ අතර අප්‍රියල් 23 වන දින දක්වා පැවැත්වීමට නියමිතව ඇත. මෙම වැඩසටහන සඳහා මඩකලපුව, කල්ලාර්, යාපනය, කුරුණෑගල සහ පමුණුගම ප්‍රදේශ නියෝජනය කරමින් තරුණ තරුණියන් 23 දෙනෙකු සහභාගී වේ. මෙම වැඩසටහන අතර තුර දී තරුණ තරුණියන් නියෝජනය කරන ප්‍රදේශ වල පවතින විවිධ ප්‍රදේශීය ගැටළු පිළිබඳව ජාතික මට්ටමේ සංවාදයක යෙදෙන අතර එම ගැටළු සඳහා එක්ව විසඳුම් සෙවීමට උත්සාහ දරමින් සිටී.
