පාර්ලිමේන්තුවේ දමිළ මන්ත්‍රීවරුන් ජනතා ගැටලු පිළිබඳව අදහස් දක්වන විට ඔවුන්ට කොටි ලේබල් අලවන රජයේ මන්ත්‍රීවරුන්, එල්ටීටීඊ සංවිධානය සමග සෘජුව සම්බන්ධතා පැවැත්වූ KP වැනි පුද්ගලයන් සමග කරට අතදාගෙන සිටින බව දෙමළ ජාතික සන්ධානයේ පාර්ලිමේන්තු මන්ත්‍රී ශානකියන් රාසමානික්කම් පසුගිය දා පවසා තිබුණි.
කාන්තා හා ළමා සංවර්ධන රාජ්‍ය අමාත්‍ය පියල් නිශාන්ත මහතා කුමරන් පද්මනාදන් මහතාව බදාගෙන සිටින රැස්වීමක ජායාරූප පසුගියදා මාධ්‍යවල පළව තිබේ.
ආණ්ඩුවේ මන්ත්‍රීවරුන් එසේ කටයුතු කරද්දී දෙමළ ජනතාව වෙනුවෙන් පෙනී සිටින මහජන නියෝජිතයන්ට සහ දෙමළ ජනතාවට බලපාන ගැටලු පිළිබඳව පෙන්වා දෙන තරුණයන්ට එරෙහිවත් විවිධ මඩ ප්‍රහ‍ාර එල්ල වන බව රාසමානික්කම් මන්ත්‍රීවරයා විසින් කියා තිබේ.
වත්මන් ආණ්ඩුව පමණක් නොව යහපාලන ආණ්ඩුව පවා කේපීට එරෙහිව එල්ල වී ඇති චෝදනා පිළිබඳව කිසිදු පියවරක් නොගත් බවයි රාසමානික්කම් මන්ත්‍රීවරයා පෙන්වා දි තිබුණි.
