කිලිනොච්චි ප්රදේශයේ මාධ්යවේදී තමරලිංගම් පරමසිවා (සීවා) වෙත මරණ තර්ජනයක් එල්ල වී ඇති බව වාර්තා වේ. දුරකථනය මගින් සම්බන්ධ වූ පුද්ගලයෙකු විසින් මෙම තර්ජනය එල්ල කර ඇති බවට ඔහු විසින් කිලිනොච්චිය පොලීසියට පැමිණිල්ලක් ද ඉදිරිපත් කර ඇත.
කෙසේවෙතත්, කිසිඳු පුද්ගලයෙකුගේ නම සඳහන් නොකරමින් සමාජ මාධ්ය ඔස්සේ නීති විරෝධී ක්රියාකාරකම් විවේචනය කරමින් මාධ්යවේදී සිවා විසින් ප්රකාශයක් පළ කර තිබූ අතර, එම සම්බන්ධයෙන් සම්බන්ධ වූ පුද්ගලයෙකු විසින් දුරකථනයෙන් සම්බන්ධ වී මෙම තර්ජනය එල්ල කර ඇති බව පැවසේ.
අදාළ පුද්ගලයා විසින් “ඔබට දරුවන් සහ පවුලක් සිටියත්, මම කිසිවක් නොසලකා ඔබව මරා දමනවා, ඔබේ හිස පවා කපා දමනවා, අද හෝ හෙට ඔබට පහර දෙනවා” යනුවෙන් ඉතා දැඩි ලෙස ජීවිත තර්ජනයක් එල්ල කර ඇති බව වාර්තා වේ.
මෙම තත්ත්වය හේතුවෙන් මාධ්යවේදීයාගේ පවුල දැඩි භීතියට පත්ව ඇති අතර, අදාළ මාධ්යවේදී පරමසිවා විසින් කිලිනොච්චි පොලීස් ස්ථානයට පැමිණිල්ලක් ඉදිරිපත් කර ඇත.
