කැල්ටන් සිය පාරිභෝගිකයින් අගය කිරීමේ විශේෂ දිනයක් වාර්ෂිකව සමරමින්, සියලුම ශාඛා ඔස්සේ ස්තූතිය ප්‍රකාශ කිරීමට තෑගි පිරිනැමීය. ඔක්තොම්බර් 8 වෙනිදාට යෙදෙන මෙම උත්සවය කැල්ටන්හි දශක හතරක පැවැත්ම තුළ ගොඩනැගුණු විශ්වාසය, කැපවීම සහ පාරිභෝගික හෘදයාංගම එකමුතුව තවදුරටත් තහවුරු කරන අවස්ථාවක් ලෙස සැලකේ.
1991 දී ආරම්භ වූ කැල්ටන් සන්නාමය, වර්තමානය වන විට ශාඛා 20කට වැඩි ගණනක් පවත්වාගෙන යයි. මෙම ශාඛා ජාලය හරහා පාරිභෝගිකයින්ට නිරන්තරයෙන් ගුණාත්මක බේකරි නිශ්පාදන, රසවති කේක්, කෙටි ආහාර හා බීම වර්ග ලබා දීමට කැල්ටන් සමත් වී ඇත.
පාරිභෝගික අගයකිරීමේ දිනය සංවිධානය කිරීමේ මූලික අරමුණ වූයේ, මෙම දිගු ගමන තුළ කැල්ටන් වෙත දැක්වූ අඛණ්ඩ සහයෝගය, විශ්වාසය සහ ආදරය වෙනුවෙන් ස්තූතිය ප්‍රකාශ කිරීමයි. ව්‍යාපාරික වශයෙන් සාර්ථක ආයතනයක් ලෙස කැල්ටන් සැමවිටම අවධාරණය කරන්නේ, තමන්ගේ සැබූ වටිනාකම මනිනු ලබන්නේ පාරිභෝගික සතුටුදායකත්වය සහ ඔවුන් සමඟ ගොඩනැගෙන දිගුකාලීන සම්බන්ධතා මගින් බවයි.
මෙම විශේෂ දිනය තුළ කැල්ටන්හි සෑම ශාඛාවකම පාරිභෝගිකයින්ට විවිධ තෑගි පිරිනැමිණි. මෙම තෑගි අතර කැල්ටන්හි ජනප්‍රිය බේකරි නිෂ්පාදන, විශේෂ වට්ටම්, සහ සමරු තිලිණ තෑගි ඇතුළත් විය. සෑම පාරිභෝගිකයෙකුටම කැල්ටන් කාර්ය මණ්ඩලය විසින් පුද්ගලිකව ස්තූතිය ප්‍රකාශ කරමින්, ඔවුන්ගේ සහයෝගය වටිනා බව අවධාරණය කරන ලදී.
කැල්ටන් කළමණාකාරීත්වයට අනුව පාරිභෝගික සේවය සහ විශ්වාසය ගොඩනැගීම ආරම්භයේ සිටම කැල්ටන්හි මූලික අගයන් ලෙස පැවතුණි. කැල්ටන්, වර්තමානය වන විට ජාතික වශයෙන් පිළිගත් බේකරි සහ ආහාරපාන සමාගමක් බවට පත්ව ඇත.
පාරිභෝගික අගයකිරීමේ දිනය කැල්ටන්හි අනාගත වැඩසටහන්වල ආරම්භක අවස්ථාවක් ලෙස සැලකෙන අතර, එමගින් පාරිභෝගික කේන්ද්‍රීය ප්‍රවේශය තවදුරටත් ශක්තිමත් කිරීමට කැල්ටන් කැපවී සිටී.
කැල්ටන්හි පාරිභෝගික අගයකිරීමේ දිනය
