ගම්පහ දිස්ත්‍රික් මහ රෝහලට පැමිණෙන රෝගීන් සහ නේවාසිකව ප්‍රතිකාර ලබන රෝගීන් බැලීමට පැමිණෙන්නන්ගේ මුදල් සොරාගත් බව කියන 55 වියැති කාන්තාවක් අල්ලා පොලීසියට භාරදීමට පියවර ගෙන ඇතැයි අද වෙබ් අඩවිය විසින් වාර්ථා කොට තිබේ
රෝහලෙහි විදුලි සෝපානයෙන් වාට්ටු සහ ප්‍රතිකාර ඒකක වෙත යන එන රෝගීන් සහ රෝගීන් බැලීමට පැමිණෙන්නන්ගේ මුදල් පසුම්බි නැතිවීම දිගු කලෙක පටන් සිදුව ඇති බැවින් මේ පිළිබඳව විමසිල්ලෙන් බලා සිටි රෝහලෙහි ආරක්ෂක නිලධාරිනියක් විසින් මෙම කාන්තාව කොටුකර ගැනීමට සමත්ව ඇති බව රෝහල් ප්‍රකාශකයෙකු පැවසු බව තවදුරටත් එහි සඳහන්ය
රෝගීන් සහ රෝගීන් බැලීමට එන තැනැත්තන් විදුලි සෝපානයෙන් ගමන් ගැනීමේදී අධික ලෙස තෙරපෙන අවස්ථාවන් බලා සිට මුදල් සොරා ගැනීම සිදු කොට ඇති බව හෙළිව ඇත.
මෙම තැනැත්තිය ගම්පහ පොලීසියට බාරදීමට පියවර ගෙන ඇති අතර මුලස්ථාන ප්‍රධාන පොලිස් පරීක්ෂක සමන් ජයසිංහ මහතාගෙන් කළ විමසිමේදී ප්‍රකාශ කොට සිටියේ ඇය ගම්පහ මහේස්ත්‍රාත් අධිකරණය වෙත ඉදිරිපත් කිරීමට පියවර ගෙන ඇති බවය.
මේ අතර පසුගිය කාලයේ මීගමුව රෝහලේද විවිධ අවස්ථාවලදි මුදල් සොරකම් කිරිම්, වාර්ථා වි තිබුන අතර රෝහල් කාර්ය මණ්ඩලයට මේ අකරතැබ්බයට අවස්ථා කිපයකදිම මුහුණ දි තිබුණි.
මුලාශ්‍රය – ada.lk
