වෙන්නප්පුව නුගගහමුල්ල සාන්ත ජෙරාඩ් මාවත වැනි ඉතා ජනාකීර්ණ ප්‍රදේශයක කිසිදු අරක්ෂිත ක්‍රමවේදයක් නොමැතිව පොල්කටු අඟුරු කිරිමේ කර්මාන්තශාලාවක් ඉදිකරමින් සිටිම අනාගතයේ වෙන්නප්පුව ප්‍රදේශයේ ජනතාවට හා පරිසරයට දැඩි හානියක් ගෙනදිය හැකි බව ජනතාව පෙන්වා දෙති ඉතා විශාල ප්‍රමාණයේ පොල්කටු අඟුරු කිරිමේ වළවල් වල දිනකට විශාල පොල්කටු ප්‍රමාණයක් දහනය කිරිමෙන් පිටවන් විෂ දුම් පරිසරයට මුදාහැරිමෙන් ප්‍රදේශයේ ජනතාවට විවිධාකාරයේ රෝගාබාද ඇති වියහැකි බවත් විෂ සහිත කාබන් ඩයොක්සයිඩ් පරිසරයට එකතු වීමෙන් පරිසර සමතුලිතබාවය බිඳවැටිමෙන් විශාල ව්‍යසනයක් වියහැකි බව ඔවුන් පෙන්වාදෙති ප්‍රදේශයේ කිසිදු රාජ්‍ය ආයතනයකින් මේ සඳහා අවසරයක් ලබා නොගෙන තම බලවත්කම පෙන්වා මෙම කර්මාන්තශාලාව ඉදිකරමින් සිටින බවත් මෙවන් පරිසරයට හානිකර කර්මාන්තශාලා වෙන්නප්පුව වැනි ඉතා ජනාකීර්ණ ප්‍රදේශයකට නොගැලපෙන බව ප්‍රදේශවාසින් පවසති එමන්ම මෙම පොල්කටු අඟුරු දහනයෙන් පසු ඒවා සිසිල් කිරිමට යොදාගන්නා ජලය මහා පොළවට මුසු වෙන්නේ විෂ කාබන් කුඩුත් සමග මේ හේතුවෙන් තම ප්‍රදේශයේ පවතින ජල මූලාශ්‍රවලට පවා මෙය බලපා හැකි බවත් ප්‍රදේශයේ ජනතාවගේ පානිය ජලයට ගැටළු ඇතිවිය හැකි බව එම ජනතාව පෙන්වා දෙති
මේ පිළිබඳව විමසීමේදි වෙන්නප්පුව ප්‍රාදේශිය සභාවේ කොමසාරිස් නිහාල් පෙරේරා මහතා මෙසේ පැවසීය අපිට මේ වගේ කර්මාන්ත වලට බලපත්‍ර දෙන්න අවසරයක් නැ අපි මේ සමබන්ධව වයඹ පළාත් පරිසර අධිකාරිය දැනුවත් කලා ඒ අය ඉදිරි ක්‍රියාමාර්ග ගනිවි මෙම කර්මාන්තශාලාව ඉදිකරන මනීෂා ව්‍යාපාරයේ හිමිකරු මලිත් ප්‍රනාන්දු මහතා මෙසේ පැවසීය අපි මෙම කර්මාන්තශාලාව ඉදි කරන්නේ නවීන තක්ෂණය භාවිතා කරලා ඒ නිසා පොල්කටු දහනය වෙද්දි එහි දුම හෝ කුඩු පරිසරයට මුදා හැරෙන්නේ නැ මේ අය අනිසි බියක් ඇති කරගෙන තියෙන්නේ අනෙක අපිට වයඹ පළාත් පරිසර අධිකාරියෙන් මෙම කර්මාන්තශාලාව ඉදිකරන්න අවසර දීලා තියෙන්නේ මේක ක්‍රියාත්මක නොකරම මිනිස්සු විරෝධයක් දැක්වීම අපිට හිතා ගන්න බැ.
චන්දන ප්‍රනාන්දු
