සරත් සෘතුවේ සීතල හිරු යට ඔහු ඉදගෙන සිටියි
අත්හැරීමට නොහැකි විශ්වාසයකින් හා දිවයාමට බියෙන්
කරන්නට දෙයක් නොමැතිව දිනගණනක් ඔහු මෙතැන
නමුත් පාර අසලට වී ඔහු සිටියි ඔබ එනතුරු
ඔබ හැරගිය හේතුව ඔහු නොදනී
සිතුවේ ඔබ සෙල්ලම් කරන්නට නැවතුන බවයි.
ඔබ නැවතත් එනබව විශ්වාසයෙන් ඔහු තවමත් සිටී
කොපමණ කල් දුක් විදින්නද? තව කොපමණ දවසක්ද ?
දෙපා දුර්වල වී උගුර වියලී
කුසගින්නෙන් දුර්වලව,සුසුමක් සමගින් බිම ඇද වැටී
ඔහු බිම දිගාවී දෙනෙත් පියාගෙන
මග බලාගෙන සිටින සුනඛයෙක් මියයන සැටි ඔබ දකී නම්…
කැතී ෆ්ලූඩ්
පරිවර්තනය/ චින්තිකා මිතිලායා
