ශ්‍රී ලංකා පොදුජන පෙරමුණේ ජාතික සංවිධායක හිටපු අමාත්‍ය බැසිල් රාජපක්ෂ මහතා පාර්ලිමේන්තුවට පැමිණීමට නියමිතව ඇති බවත් අන්තර්ජාල මාධ්‍ය ගණනාවක්ම වාර්තා කර ඇති විමල් විරවංශට අයත් ලංකා සි නිව්ස් වෙබ් අඩවිය වාර්ථා කොට තිබේ
ද්විත්ව පුරවැසිභාවය දරන්නෙකුට පාර්ලිමේන්තුව නියෝජනය කල නොහැකි නිසා 19 සංශෝධනය අහෝසි කිරීමෙන් පසු රාජපක්ෂ මහතා පාර්ලිමේන්තු එනු ඇති බවත් ඉන් පසු ඇමති ධුරයක් දරුනු ඇති බවත් එම වාර්තාවල සදහන්ය.
බැසිල් රාජපක්ෂ මහතාට පාර්ලිමේන්තුවට ඒම සඳහා දැනට ජාතික ලයිස්තුව නියෝජනය කරන මන්ත්‍රීවරයෙකු ඉල්ලා අස් වනු ඇතැයිද එම වාර්තාවන්හි වැඩිදුරටත් දැක්වේ.
කෙසේ වෙතත් මේ සම්බන්ධයෙන් කළ විමසීමකදී ආණ්ඩුවේ ප‍්‍රකාශකයෙකු කියා සිටියේ බැසිල් රාජපක්ෂ මහතාට පාර්ලිමේන්තු පැමිනීමට අවශ්‍ය යයි ඔහු සිතන්නේ නම් වඩා පහසු ක‍්‍රම ඇති බවයි.
විපක්‍ෂය මේ උත්සාහ කරන්නේ 19 සංශෝධනය අහෝසි කිරීමේ වැදගත්කම වෙනත් සාකච්චාවකට ගෙන ගෙන ගොස් බාල්දු කිරීම බවද ඔහු සදහන් කලේය.
මුලාශ්‍රය – ලංකා සි නිව්ස
