යාපනය මාධ්‍ය සමාජයේ සම්බන්ධිකාරක රත්නමි දයාබරන්ගේ ප්‍රධානත්වයෙන් සැමරුම පවත්වා තිබේ.
නැගෙනහිර පළාත් මාධ්‍යවේදීන්ගේ එකමුතුව විසින් ද තම ප්‍රදේශයෙන් බිහිවු ජ්‍යෙෂ්ඨ මාධ්‍යවේදියා සිහිකරමින් මැයි 31 වන දිනම සැමරුමක් පවත්වා ඇත්තේ මඩකලපුව, කල්ලඩියේ පිහිටි වොයිස් ඔෆ් මීඩියා ආයතන පරිශ්‍රයේදීය.
අයියතුරෛ නඩේසන් වෙනුවෙන් විනාඩි කිහිපයක් නිහඬව හිඳිමින් ගෞරව දැක්වු නැගෙනහිර පළාත් මාධ්‍යවේදීන් පහන් දල්වා පුෂ්පෝපහාර දක්වා තිබේ.
සංගමයේ සභාපති දේව අධිරන්ගේ ප්‍රධානත්වයෙන් පැවැති ගුණ අනුස්මරණ උත්සවයේ දේශනය සිදු කර ඇත්තේ මාධ්‍යවේදී හා මහනගර සභා සාමාජික ශිවම්පාක්‍යනාදන් විසිනි.
වවිනියාව දෙමළ මාධ්‍යවේදීන්ගේ සංගමය විසින් ද ජුනි පළමු වනදා සිය කාර්යාලයේදී අයියතුරෛ නඩේසන් ගේ ඡායාරූපයකට ගෞරව දක්වා තිබුනේ ඉටිපන්දම් දල්වා පුෂ්පෝපහාර පිරිනමමිනි.
2004 මැයි 31 : ඝාතනය ගැන චෝදනාව කරුණා පාර්ශවයට !
2004 මැයි 31 වනදා උදෑසන මඩකලපු)වේ පිහිටි සිය කාර්යාලය වෙත යමින් සිටියදී අයියතුරෛ නඩේසන් මාධ්‍යවේදියා වෙඩිතබා ඝාතනය කර තිබුනි.
දමිල මාධ්‍ය සංසදයේ උප සභාපති නඩේසන් ගේ ඝාතනයෙන් පසු නැගෙනහිර පළාතේ දෙමළ මාධ්‍යවේදීන් ගණනාවකටම ජීවිතාරක්ෂාව පතා ප්‍රදේශය හැර යාමට හෝ විදේශ ගතවීමට බල කෙරිනි.
ජාත්‍යන්තර මානව හිමිකම් සංවිධානයක් වන හියුමන් රයිට්ස් වොච් (HRW) ඒ සම්බන්ධයෙන් චෝදනා කර තිබුනේ කරුණා පාර්ශවයටයි.
ඝාතනයට ලක්වන විට පනස් වියේ පසුවු දෙදරු පියෙක් වු අයියතුරෛ නඩේෂන් වීරකේසරි පුවත් පත, IBC තමිල් ඇතුළු කැනඩාවේ මාධ්‍ය ආයතන කිහිපයක් සඳහාද වාර්තා සැපයු අයෙකි.
newstube.lk
ඡායා-කම්සන් – යාපනය