වත්තල ප්‍රදේශයේ කර්මාන්ත ශාලාවක කොවිඩ් 19 ආසාදිතයින් 49 දෙනෙක් හඳුනා ගෙන ඇති බව වාර්තා වන අතර එම කර්මාන්ත ශාලාවේ සේවකයින් 120කුගේ පී.සී.ආර් පරීක්ෂණ සිදු කර ඇති අතර ඉන් 49 දෙනෙකු මෙලෙස කොවිඩ් ආසාදිතයින් ලෙස හඳුනා ගෙන ඇතැයි අරුණ වෙබ් අඩවිය වාර්ථා කොට තිබේ. එහි වැඩිදුරටත් සදහන් වන්න් කොරෝනා ආසාදිතයින් වශයෙන් හඳුනාගත් ආසාදිතයින් අතුරින් පිරිමි සේවකයින් ඊයේ(30) රාත්‍රියේ රෝහල් ගත කිරීමට පියවර ගෙන ඇති අතර කාන්තාවන් අද(31) දිනයේ දී රෝහල් ගත කිරීමට කටයුතු කරන බව වත්තල පරිපාලන මහජන සෞඛ්‍ය පරීක්ෂක වරුණ අබේසේකර මහතා සඳහන් කළ බවය
අදාළ කර්මාන්ත ශාලාව මේ වන විට තාවකාලිකව වසා දමා තිබෙන අතර පී.සී.ආර් පරීක්ෂණ සිදු කිරීමට නොහැකි වූ අනෙකුත් සේවකයින්ගේ පරීක්ෂණ සිදු කිරීමට නියමිතව තිබේ
